Primeiro. Nomear funcionarios de carreira dos corpos de Profesores de Ensino Secundario, Profesores de Escolas de Idiomas, Profesores de Música e Artes Escénicas, Profesores Técnicos de Formación Profesional e Mestres, aos seleccionados nos procedementos selectivos convocados por Orde do 21 de febreiro de 2019, que aparecen relacionados no anexo a esta Orde, con indicación do número de Rexistro de Persoal, especialidade e puntuación que lles corresponde.
Segundo. Os nomeados a través da presente orde consideraranse ingresados como funcionarios de carreira dos Profesores de Ensino Secundario, Profesores de Escolas de Idiomas, Profesores de Música e Artes Escénicas e Profesores Técnicos de Formación Profesional, con efectos do 1 de setembro de 2020.
A presente orde poderá ser recorrida potestativamente en reposición, no prazo dun mes e ante o mesmo órgano que a ditou, de acordo co disposto nos artigos 123 e 124 da Lei 39/2015, do 1 de outubro, do Procedemento Administrativo Común das Administracións Públicas. Así mesmo, contra esta orde, que é definitiva na vía administrativa, cabe interpoñer recurso contencioso-administrativo ante a Sala do Contencioso- Administrativo da Audiencia Nacional, conforme ao establecido no artigo 11.1 da Lei 29/1998, do 13 de xullo, reguladora da Xurisdición Contencioso-Administrativa, e artigo 66 da Lei Orgánica 6/1985, do 1 de xullo, do Poder Xudicial, na redacción dada pola Lei Orgánica 6/1998, do 13 de xullo, no prazo de dous meses a contar desde o día seguinte á data da súa publicación, de acordo co disposto no artigo 46.1 da citada Lei 29/1998.
